喚起我兒時回憶的多肉花球
多肉植物係我細細果陣，爸爸係露台種滿植物，當然不少得肥嘟嘟嘅多肉植物，不過果陣我叫它「玉蓮」或許我媽媽名字有「蓮」這字，所以爸爸很愛「它」& 「她」！
近年外國風靡的多肉花球，多肉風已吹來香港，所以近年好多人也愛栽種多肉植物，因此大家也不會對「它」陌生！
新娘子Andrea愛白色花球（😅因怕長輩唔鍾意太白雪雪，所以就混了Pink & Peach)，愛多肉，愛牡丹.......這是新娘子籌備婚禮常常出現的現象！你哋所愛，我會盡量用最低價錢去滿足你哋每一位！ 第一次做有多肉花嘅花球，心情興奮，因為自己真係好鍾意，多謝Andrea 比機會我！
上星期氣溫突然升到最高26度，😥真係唔知想點.......牡丹就因為咁溫暖成朵花開到盡一盡，不過出嚟效果唔錯，另一種style,開晒嘅牡丹好有生命力! 所以交花時叮囑再叮囑別焗它，要好好照顧它，希望你哋唔好厭我長氣!
而最開心一幕，見到你哋非常鍾意肉肉新郎襟花，異口同聲嚷著想朝早用肉肉襟花，你哋倆個好可愛😝😝😝 謝謝你們如此寵愛它😊
多肉花球 - 多肉， 牡丹，Garden Rose, 小牡丹
還偷偷加了亞馬遜百合
新娘新郎至愛的肉肉襟花
呢面又有另一朵大肉肉！還有白色洋蔥小花
新郎襟花 - Garden Rose & 多肉
小牡丹開得好靚
